抗癌勇士丨文頌男透露將做電療對抗癌細胞　Koba感激同行關心伸出援手

主持J2節目《不正常愛情研究所》文頌男（Koba）在去年12月自揭有大概6×6×4cm的惡性腫瘤在椎間近盤骨附近位置，屬罕見病症，已停工休養正接受治療。

一直以來Koba樂觀抗病，亦在社交平台分享其抗癌點滴，可是他在3月27日透露最近病況，指醫生宣告顯示Koba接受5次化療無效，而且腫瘤沒縮小反變大，令其大受打擊。

Koba最近在IG限時動態與網民玩「你問我答」，當中回應了一些有關抗癌的問題，也有網民為他打氣！

抗癌勇士丨文頌男病情未好轉憂心同事前景　Koba自責：好愧疚之餘真係好擔心你哋

▼點擊圖片放大

+8

+7

文頌男感激演藝人員關心

Koba落力地唱出《反對無效》、《Dear My Friend,》，相當順應網民的要求。有網民就問Koba：「咁係咪而家古天樂資助你看病？」，他回應指：「有朋友幫手聯絡咗演藝人協會啫，佢哋好好，會盡量提供支援同協助，實質上有咩資助，未太清楚。可能佢哋方面會再傾吓。」

他續指：「但我非常感激所有演藝人員關心我、關注我嘅情況同伸出援手，冇諗過我一個啱啱畢業、主持咗一個節目嘅小小主持，可以獲得咁多人、大眾嘅關心。」

最新影片推介：羅子溢專訪

準備進行電療

Koba透露準備進行電療，並指：「希望身體情況會有改善，徹底清除啲癌細胞。」

他又有服用中藥以配合治療，表示：「依家先食咗四次，應該冇咁快有效果，中藥都係輔助， 希望可以舒緩到啲痛症。如果冇咩大呀不良反應都應該會堅持繼續睇。」

另外，有網民就好奇Koba的夢想，他回覆指：「有少少虛無飄渺，講事業嘅話可能想喺演藝事業上有一番成就，想可以演出到唔同類型嘅作品，電影、劇集、綜藝、唱歌獲得一哟肯定、獎項。個人方面淨係想過得舒服、有個伴侶，每日過得開開心心、健健康康就足夠。」

▲ 文頌男最後一集主持《不正常愛情研究所》 。（節目截圖）

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5